|
Landssöfnun Krabbameinsfélagsins. |
|
Hefur félagið einkum sinnt forvörnum og leitarstarfi en heilbrigðisþjónusta hins opinbera fæst að mestu leyti við meðferð. Leit að krabbameini í leghálsi og brjóstum er umfangsmesta verkefnið. Leit að leghálskrabbameini hófst árið 1964 og brjóstakrabbameini 1973 og er leitarstarfið rekið samkvæmt samningi við heilbrigðis- og tryggingamála-ráðuneytið.
Jóhannes Tómasson, |
|
[ Til baka - Back ] |
Liðveisla félaga í Kiwanishreyfingunni og Lionsmanna skipti sköpum við undirbúning og framkvæmd landssöfnunar Krabbameinsfélags Íslands 3. mars síðastliðinn. Góðar undirtektir við verkefnið, góður liðsandi og viðmót allt hafði það í för með sér að ráðist var í þetta umfangsmikla verkefni með opnum og jákvæðum huga og átti það sinn drjúga þátt í þeim árangri sem raun ber vitni. Þegar undirbúningur landssöfnunarinnar hófst á liðnu hausti kom fljótlega til tals að einn aðalþáttur í fjáröfluninni yrði að ganga í hús um landið allt og óska eftir framlögum. Þegar ráðamenn félagsins sáu fram á hversu viðamikið slíkt verkefni yrði var nokkuð ljóst að leita yrði duglegra samstarfsaðila þar sem félagar Krabbameins-samtakanna næðu ekki að þekja allt landið. Innan Krabbameinsfélags Íslands eru 30 aðildarfélög og eru 24 þeirra svæðafélög víðs vegar um landið en sex eru sérstök stuðningsfélög við ákveðna hópa krabbameins-sjúklinga og aðstandendur þeirra. Þessi félög voru virkjuð eins og tök voru á og síðan kom til skjalanna reynsla og þekking forystumanna Kiwanis- og Lionshreyfinganna við skipulagningu átaksins. Þrisvar áður hefur Krabbameinsfélagið efnt til landssöfnunar af svipuðum toga, árin 1982, 1986 og 1990. Í öll skiptin var árangur slíkur að félaginu var unnt að halda áfram að ráðast í mikilvæg verkefni og svo verður einnig nú. Með liðlega 80 milljóna króna söfnunarfé verður á næstu vikum og mánuðum ákveðið hvernig því verður ráðstafað til verkefna á sviði aukinnar þjónustu við krabbameinssjúklinga, til að efla forvarnir og til að treysta enn frekar ýmsa þætti í núverandi starfi félagsins. Tilgangur Krabbameins-félagsins er að styðja og efla í hvívetna baráttuna gegn krabbameini. Er það gert með því að auka þekkingu á sjúkdómnum, efla rannsóknir, krabbameinsleit og að styðja framfarir í meðferð og umönnun sjúklinga.
Nær leitin til kvenna á aldrinum frá tvítugu til sjötugs. Þá er starfrækt röntgendeild og frumurannsóknastofa og úrvinnsla gagna fer fram í tölvudeild og á töluvinnustofu. Árið 1954 tók Krabbameinsskráin til starfa en þar er safnað saman upplýsingum um alla sem greinast með krabbamein og unnið úr gögnum. Með henni er leitast við að afla þekkingar á orsökum og eðli krabbameins. Í tengslum við skrána er unnið að rannsóknum á fjölskyldufylgni eða ættgengi krabbameins. Þá var árið 1986, í kjölfar landssöfnunar, komið á fót rannsóknastofu í sameinda- og frumulíffræði sem fæst við grunnrannsóknir á krabbameini. Forvarnir í víðum skilningi eru stór þáttur í starfi Krabbameinsfélagsins. Í því skyni eru gefnir út bæklingar, tímaritið Heilbrigðismál, haldið er úti vefsíðunni krabb.is, efnt til margs konar námskeiða og Krabbameinsfélagi Reykjavíkur hefur verið falin umsjá og ábyrgð með fræðslustarfi með höfuðáherslu á skólana. Krabbameinsfélagið hefur frá árinu 1986 rekið svonefnda Heimahlynningu sem gerir sjúklingum með ólæknandi sjúkdóm mögulegt að dveljast heima eins og frekast er unnt. Eins og fyrr segir starfa sex stuðnings-
félög við krabbameinssjúklinga og aðstandendur innan vébanda Krabbameinsfélagsins. Þau halda hvert um sig fræðslufundi og veita sjúklingum mikilsverðann stuðning. Félagsmenn bjóðast til að ræða við sjúklinga og aðstandendur og getur sá stuðningur oft verið þeim mikilvæg viðbót við meðferð og samtöl við sérfræðinga í heilbrigðiskerfinu. Rekstur
Krabbameinsfélagsins er háður framlögum almennings að undanteknu leitarstarfinu sem greitt er af opinberu fé, eins og getið var um áður, og þeim sem notfæra sér þjónustuna. Krabbameinsfélagið á víða hauka í horni eins og komið hefur í ljós gegnum árin. Eru það bæði
einstaklingar og fyrirtæki sem leggja félaginu fjárhagslegt lið við einstök afmörkuð verkefni og við almenna landssöfnun eins og fór fram á dögunum. Þar að auki leggja félagsmenn og aðrir velunnarar fram ómælda vinnu í margháttuðu starfi sínu. Félagar Kiwanis- og Lionshreyfinganna komu duglega við sögu í landssöfnuninni og þótt það verði seint fullþakkað eru öllum sem lögðu hönd á plóginn færðar sérstakar þakkir fyrir liðveisluna. Hún var veitt án eftirgangsmuna og hvergi heyrðist nokkur telja eftir sér mínútur eða fyrirhöfn. Slíkt er ómetanlegt og átti það ekki síst þátt í því
hversu átakið var öllum ánægjulegt og tókst svo
vel sem raun bar vitni.