Nú er hafin afhending reiðhjólahjálma, sem Kiwanishreyfingin gefur öllum sex ára börnum á landinu í samstarfi við Eimskip. Umdæmisstjóri Gunnlaugur Gunnlaugsson og umdæmisritari Kristján G. Jóhannsson fóru í dag (föstudag 17. apríl) í sex skóla í Reykjavík og afhentu hjálma. Gleði barnanna yfir því að fá reiðhjólahjálma, ljós og höfuðklúta leyndi sér ekki eins og sést á meðfylgjandi myndum.
Mikil umræða hefur verið um að reglur skólayfirvalda í Reykjavík kæmu í veg fyrir að hjálmarnir yrðu afhentir á skólatíma. Þær áhyggjur virðast hafa verið þarflausar því umdæmisstjóra og umdæmisritara var vel tekið í öllum þeim skólum, sem þeir fóru í.