Jólatréssala Kiwanisklúbssins Keilis Keflavík hófst 12. desember. Í ár eru Keilismenn í samstarfi við Húsasmiðjuna og erum við staðsettir í timbursölunni að Fitjum. Allir velkomnir.
Kiwanisklúbburinn Skjálfandi á Húsavík bætti við sig 19 félaganum sl.föstudagskvöld. Nýi félaginn heitir Guðmundur Halldórsson, en meðmælendur hans voru Benedikt Kristjánsson og Hallgrímur Sigurðsson.Umdæmisstjóri varð þeirrar ánægju aðnjótandi að fá að taka hinn nýja félaga inn í Kiwanissamfélagið, og ekki síður að næla meðmælendalyklum í meðmælendur.
Kiwanisklúbburinn Höfði var einn af styrktaraðilum sem styrkti íslenskar stúlkur, sem eru bundnar við hjólastól eftir alvarleg slys, eru nú staddar í Bandaríkjunum þar sem þær æfa skíði. Stúlkurnar, sem eru 19 ára og kynntust í endurhæfingu á Grensásdeildinni, hafa stofnað bloggsíðu þar sem þær fjalla um skíðaævintýri sín í Colorado.
Fimmtudaginn 12. október sótti umdæmisstjóri Kiwanisklúbbinn Sólborg heim. Tilefnið var fyrst og fremst að samgleðjast Sólborgarkonum með tvo nýja félaga sem teknir voru inn í klúbbinn þetta kvöld. Áður hafi fjölgað um einn í klúbbnum og fleiri eru í biðstöðu. Glæsilegt.
Liðin Kiwanisfundavika verður örugglega eftirminnileg í huga umdæmisstjóra. Á mánudag var það stuttur hádegisverðarfundur með verðandi (voanandi)Kiwansifélaga. Þriðjudagskvöld var svo lagt undir fund með 4 svæðisstjórum á höfðuborgarsvæðinu, þar sem farið var yfir skipulag og efnistök á fyrirhuguðum svæðisráðsfundum.
Svæðisráðsfundur Þórssvæðis verður haldinn þann 14.nóvember 2009. Kiwanishúsinu Engjateig 11 og fundur hefst kl 10:00. Fundurinn verður í litla salnum.
Út er komið 4 fréttabréf Kiwanisklúbbsins Hraunborgar í Hafnarfirði þar sem farið er yfir það nýjasta í starfi klúbbsins, m.a hina glæsilegu Villibráðarhátíð sem haldin var laugardaginn 7 nóvember.
Nú er Ferðanefnd klár með ferðatilhögun fyrir ferðina til Sikileyjar á Evrópuþingið sem haldið verður 4 - 5 júní 2010. Þetta verður að vanda frábær ferð hjá þeim félögum Bödda og Diðrik sem vilja koma eftirfarandi á framfæri.
Sviðaveisla var haldin á fundi Drangeyjar á miðvikudaginn var. 4. nóvember sl. Mjög góð mæting var á fundinum og voru svið og lappir snædd af bestu lyst, enda vel elduð hjá formanni.
Kiwanisklúbburinn Katla í Reykjavík færði SHS í gær eitt hundrað bangsa og önnur tuskudýr til þess að gleðja þau fjölmörgu börn sem sjúkraflutningamenn SHS flytja vegna veikinda og slysa. Marteinn Geirsson deildarstjóri segir gjafir eins og þessar gleðja slösuð og veik börn mikið við erfiðar aðstæður.
Hin stórkoslega villibráðarhátíð Hraunborgar verður að þessu sinni haldinn laugardaginn 7. nóvember. Hátíðin hefst kl. 12,30 á hádegi í veislusal Haukahússins að Ásvöllum Nokkuð stöðug dagskrá er til kl. 17,00-18,00.
Við héldum 6 kiwanisfélagar til stjórnarskipta í Færeyjum föstudaginn 23. okt. þessir félagar eru Frímann Lúðvíksson, Birgir Hjaltason, Árni Þorvaldsson allir úr Kiwanisklúbbnum Geysi. Með okkur voru einnig Gunnlaugur Gunnlaugsson úr Básum á Ísafirði og Geir Guðmundsson kjörumdæmisstjóri, ásamt mér auðvitað Jóni Eiríkssyni svæðisstjóra Þórssvæðis einnig úr Geysi í Mosó.
Í gærkveldi funduðu umdæmisstjóri og Kvennanefnd umdæmisins með áhugasömum konum úr Keflavík um hugsanlega stofnun kvennaklúbbs þar í bæ. Þetta var góður og skilvirkur fundur, Kvennanefnd kynnti hreyfinguna, markmið hennar og helstu verkefni og mikið var spurt og spallað og málið skoðað frá ýmsum hliðum.
Tryggvi Jónasson félagi okkar í Kiwanisklúbbnum Helgafelli lést þann 17 október s.l eftir erfið veikindi. Tryggvi gekk til liðs við Kiwanishreyfinguna 1967 og var einn af stofnfélögum Helgafells og sat sem erlendur ritari í fyrstu stjórn klúbbsins á árunum 1967 – 1968.
