Ekið var á sjö ára dreng á reiðhjóli á Akranesi um daginn og lenti drengurinn undir bílnum, en að sögn lögreglunar á Vesturlandi fór betur en á horfðist. Vegfarendur brugðust skjótt við og sá sem kom fyrstur á vettvang var fljótur að tjakka upp bílinn og ná drengnum undan. Drengurinn reyndist meiddur en óbrotinn og að
sögn lögreglunnar varð það honum til happs að hann var með hjálminn á höfðinu sem bjargaði því ekki fór verr. Nú er unnið að því hjá okkur Kiwanisfólki að útvega drengnum nýjan hjálm. Já við megum vera stolt af Hjálmaverkefni okkar.