Kiwanisumdæmið Ísland - Færeyjar

Hvað er Kiwanis

Kiwanis er alheimssamtök sjálfboðaliða sem hafa að markmiði að bæta heiminn með þjónustu í þágu barna

Kiwanis er alþjóðleg þjónustuhreyfing manna og kvenna, sem hafa áhuga á að taka virkan þátt í að bæta samfélagið, og láta gott af sér leiða. Í samstarfi fá þessir aðilar áorkað því sem einstaklingar geta ekki einir. Frjálst samstarf gerir þeim kleift að vinna að alþjóðlegum verkefnum innan hinnar alþjóðlegu hreyfingar.

Þeir vinna einnig að umbótum á landsvísu. Ekki síst vinna þeir að mannúðar og framfaramálum sem horfa til heilla fyrir bæjarfélag þeirra, sem opinberir aðilar annað hvort vilja ekki eða geta ekki sinnt. Þannig verða þeir leiðandi aðilar í sínu byggðarlagi.

Sem dæmi má nefna aðstoð við ungt fólk eða aldrað, náttúruvernd, þróun félagslegrar aðstöðu og eflingu vináttu og skilnings milli manna og þjóða. En hvert svo sem markmið Kiwanisfélaga er, er þeim öllum sameiginlegur þjónustuviljinn og löngunin til að eignast góða félaga innan klúbbsins síns og Kiwanishreyfingarinnar.

Á döfinni

23.01.2010 - Umdæmisstjórnarfundur
Haldinn í Reykjav&iacut

16.04.2010 - Umdæmisstjórnarfundur
Haldinn í Reykjav&iacut

10.09.2010 - Umdæmisstjórnarfundur
Haldinn í Kópavo

Umdæmisstjóri

Umdæmisstjóri - Governor 2009 -2010
Óskar Guðjónsson

Í byrjun október tók Óskar Guðjónsson, Kiwanisklúbbnum Eldey í Kópavogi við starfi umdæmisstjóra Kiwanisumdæmisins Íslands-Færeyjar. Óskar er fæddur í Reykjavík 10. júní árið 1952. Hann er giftur Konnýu R. Hjaltadóttur leikskólasérkennara. Þau búa í Kópavogi ásamt dóttur sinni Eddu Ósk (22), en eiga sömuleiðis soninn Sigurð Heiðar (32) sem býr ásamt sambýliskonu sinni og afastráknum Oliver (2) í Danmörku.
Óskar er lærður bókasafnsfræðingur frá HÍ (BA)og Rutgers University í Bandaríkjunum (MLS) og hefur frá 2004 starfað hjá Borgarbókasafni Reykjavíkur sem safnstjóri í Sólheima- og Ársafni. Áður starfaði hann um 18 ára skeið hjá Varnarliðinu á Keflavíkurflugvelli sem forstöðumaður almenningsbókasafns og deildarstjóri Tómstundadeildar. Þar gengdi hann einnig stöðu formanns FÍSK (Félags íslenskra stjórnunarstarfsmanna á Keflavíkurflugvelli) um 8 ára skeið. Þegar vallarvistinni lauk lá leiðin í stjórn SBU (Stéttarfélag bókasafns og upplýsingafræðinga), þar sem hann er formaður í dag. Á faghliðinni settist hann í stjórn Upplýsingar fyrir 4 árum en hvarf þaðan á vordögum. Mjög skemmtilegt og ögrandi starf með frábæru og gefandi fólki. Einnig hefur Óskar reglulega kennt námskeið við BSU-skor HÍ og kenndi einnig við útibú University of Maryland á Keflavíkurflugvelli.
Óskar gekk til liðs við Kiwanishreyfinguna 1992, er hann gekk í Kiwanisklúbbinn Brú á Keflavíkurflugvelli. Þetta var fjölþjóðaklúbbur, sem átti sér fáa líka, vikulegir fundir fóru fram á ensku, og mikið var um að íslenskir klúbbar heimsóttu Brú, hvort sem það var vegna félagskaparins eða þess sem til skamms tíma var einungs veitt á vallarsvæðinu? Þar gengdi Óskar flestum störfum og var forseti klúbbsins 1994-1995.
Þegar Brú hætti starfsemi árið 2003 lá leiðin í Kiwanisklúbbinn Eldey í Kópavogi þar sem Óskar var forseti 2007-2008. Óskar var kallaður til ábyrgðarstarfa á vegum umdæmisins árið 2000 og hefur verið viðloðandi umdæmisstjórnun síðan þá, m.a. gengt störfum formanns stefnumótunar-, golf- og Internetnefndar, verið umsjónarmaður gagnagrunns, og erlendur ritari og umdæmisritari. Þegar áskorun um að takast á við æðstu stöðu hreyfingarinnar lá fyrir var ekki skorast undan og slagurinn tekinn. Hann hlaut brautargengi og tók við starfi umdæmisstjóra 1. okt.