Hjálpum börnum heimsins

Umdæmisþing

 

40.Umdæmisþing
 Kiwanisumdæmisins ísland Færeyjar
9. til 12. september 2010 Salnum Kópavogi

 
Eldeyjarfélagar, undir forystu formanns þingnefndar, Eyþórs Einarssonar, leggja nú lokahönd á undirbúning umdæmisþings í Kópavogi. Drög að dagskrá liggja fyrir og sérstakt þingblað mun berast félögum í byrjun september. Á þinginu kennir ýmissa grasa og bryddað er uppá nýjungum sem vonandi gera þingið skilvirkara og efnis- og viðameira.
Þingið hefst í Eldeyjarhúsi, 9. sept. kl 18:00 með “Fókus á fjölgun” fjölgunarráðstefnu umdæmisins. Þangað eru áhugasamir Kiwanisfélagar boðnir velkomnir, en sérstaklega er skorað á verðandi embættismenn klúbba og umdæmis að sitja ráðstefnuna, enda einsýnt að fjölgunarmálin munu verða í brennidepli næstu misserin. 
Föstudagsdagskráin hefst kl 08:00 í Eldeyjarhúsi með síðasta umdæmis-stjórnarfundi starfsársins. Sameiginleg fræðsla verðandi embættismanna byrjar kl 09:00 í Salnum. Hádegisverður er í Safnaðarheimili Kópavogskirkju, en aðalfundur Tryggingasjóðs verður þar kl. 13:30 meðan fjölgunarráðstefnu verður framhaldið í Salnum. Formleg þingsetning 40. umdæmisþings verður í Kópavogskirkju kl 20:00 og  móttaka í Safnaðarheimili strax á eftir. Eitthvað sem þið vilji ekki missa af!!!. Landsfrægur Kiwanisskemmtikraftur mun stíga þar á stokk og segja okkur til syndanna og von er á að Eldeyjarfélagar láti gamminn geysa. Fljótandi veitingar eru í boði gegn vægu verði. Rútuferð á hótel í lok skemmtunar.
Þingfundi er svo framhaldið í Salnum kl 09:00 á laugardag. Hefðbundin þingstörf ráða ferðinni en sérstaklega er félögum bent á kynningu á nýju heimsverkefni KI og umræðu um  K-dag. Hádegisverður í Safnaðarheimilinu.  Í orðsins fyllstu merkingu má því segja að Kiwanisfólk verði “hátt uppi” á laugardadagskvöld, en þingfundi verður frestað um kl 16:00 svo nægur tími gefist til að tína á sig betri spjarirnar og fjölmenna á “galakvöld” í hjarta Kópavogs sjálfum “Turninum” Tekið verður á móti veislugestum með líflegum lúðrablæstri og þeim boðið til móttöku umdæmisstjóra og fordrykkjar. Stallari mun síðan kynna veislugesti hvern af öðrum og þeirra biður glæsileg veilsumáltíð. Óhjákvæmilegum formsatriðum verður haldið í lágmarki en meira lagt uppúr samveru og samræðu, glensi, gamni og dansi.
Nánari upplýsingar um þingið verða sendar klúbbforsetum og birtar hér á síðunni!!!
Það er von mín að Kiwanisfélagar taki virkan þátt í þingstörfum og ítreka að allt þinghald og viðburðir er opið almennum Kiwanisfélögum. Mætið í Kópavoginn –Upplifið stemninguna-Endurnýjið vinatengslin og stofnið til nýrra.

Efling –Kraftur-Áræði – Helgin er okkar!!!
Kiwaniskveðja
Óskar 
   
 
Drög að dagskrá þingsins
  

Galakvöldið í Turninum 

 
 Húsið opnar kl 19:00
     Fordrykkur    Á  Bar 20. Hæðarinnar
     Veislustjóri    Hjálmar Hjálmarsson  bæjarfulltrúi næstbesta flokknum  Kóp.
    Skemmtiatriði   Friends forever :  söngur 
    Hljómsveitin   Granít spilar dinner og dansmúsik til kl 02:00
    Matseðill  Gala dinner
    Forréttur
    Kremuð Humarhalasúpa með léttþeyttum rjóma
    Aðalréttur
    Lambarifja með krydduðum lambaskanka Madeirasósu
    Kremuðum sveppum og fondant kartöflum
    Eftirrétur
    Frönsk sukkulaðikaka 
    með pistasíuís og ferku berjasalsa

     Miðaverð kr. 7,800 pr. mann
 
 
 
 
 
Makaferð í boði umdæmisstjórnar
 
 
Makaferð í boði Umdæmisstjórnar

11. september 2010.

Dagskrá:
Hittumst við Gerðasafnið kl. 11:00

Kl. 11:00 Listasafn Kópavogs, Gerðarsafn - Leiðsögn um sýninguna niu/nine.

Kl. 11:45 Náttúrufræðistofu Kópavogs - Leiðsögn um safnið.
Kl. 12:15 Tónlistarsafn Íslands - Sýning til heiðurs Sigfúsi Halldórssyni á 90 ára
fæðingarafmæli hans - Fúsi 90 ára.


Kl. 13:00 Safnaðarheimili Kópavogskirkju – hádegisverður kr. 1.500.-

 

Farastjórar: Jónína og Ester

 

Vinsamlega tilkynnið þátttöku fyrir 9. september til konrad.konradsson@gmail.com


 Prentvæn útgáfa klikka hér
 
Eldri þing
39 þing Engjateigur Reykjavík