Ísgolf

Ísgolf

 

Isgolf Kiwanis var skemmtilegt verkefni sem haldið var 2012 fyrir Kiwanisfélaga

Gegnum árin hafa einstaklingar og hópar á vegum ýmissa íþrótta-­‐ og líknarfélaga verið að ganga, hlaupa, hjóla og haltur hefur leitt blindan í góðgerðarskyni um þjóðveg 1.  Þetta fólst í því að Kiwanisfélagar léku golfbolta hringinn í kringum landið. Þetta er í fyrsta skiptið sem þetta var gert. Þetta er um 1350 km. leið. Áheitum var safnað á slegin högg, að hámarki 9.500 högg. Þetta er sambærilegt við að leika 300 golfhringi. Þessum golfhring og  ævintýri var lokið á 14-­‐15 dögum. Slegið var meðfram þjóðvegi 1 alla daga og suma daga var leikið allan sólarhringinn. Brautin er par 9999!, lengsta braut sem leikin hefur verið hér á landi og þó víðar væri leitað!!! Um va að ræða fjáröflun til góðgerðarmála sem nokkurir Kiwanisklúbbar landsins komu  að. Á þessum tíma voru Kiwanisfélagar á landinu  um 1000 í og á heimsvísu um 700,000.

Ýmsar skemmtilegar þrautir þurfti að leysa á leiðinni. Af tryggingaástæðum var ekki leyfilegt að slá í gegnum þéttbýliskjarna. Því voru  samsvarandi vegalengdir slegnar utan/eða í nágrenni þeirra byggðalaga sem voru á vegi okkar. Við þurftum að glíma við lúpinubreiður, hraun, stórfljót, Skeiðarársand (stærsta sandgryfja sem hefur verið leikin) og margt annað. Í för voru um 8 bifreiðar og 10 til 15 Kiwanisfélgar voru að jafnaði í hópnum. 

Leikurinn hófst  v/Norðlingabraut 18. júni 2012 kl. 00:01. Ögmundur Jónasson, Innanríkisráðherra sló fyrsta höggið. Leiknum lauk 1.júli 2012. Stefán Eiríksson lögreglustjóri í Reykjavík sló síðasta höggið.

Landsbanki Íslands var fjárvörsluaðili verkefnisins.

Mbl.is og fleiri fjölmiðlar voru með reglulega umfjöllun um verkefnið. Einnig höfðu fréttastöðvar sjónvarpsrása sýnt áhuga á að fá að fylgjast með.

Skjárinn var með í ferð með 2 tökumenn og 1 hljóðmann. Þeir sýndu frá þessu ævintýri í opinni vel kynntri dagskrá í tveimur 40 mín. þáttum á Skjágolf.

Með Kiwaniskveðju

Guðlaugur Kristjánsson verkefnisstjóri 


 

Nýjustu færslur

Blog Message

Kiwanisklúbburinn Ölver og Grunnskólinn í Þorlákshöfn gera samstarfssamning Ágóði af jólaskókassa rennur til nemendaferða

Á haustdögum komu nokkrir Kiwanismenn til fundar við skólastjórnendur í Grunnskólanum í Þorlákshöfn. Tilgangurinn var að finna vettvang ti..
Blog Message

Formúlufundur 3 nóvember 2018

Haukur Sveinbjörnsson formaður Fjölgunarnefndar setti fundinn og skýrði frá verkefninu og skýrði frá dagskrá og þeim aðilum sem myndu hal..
Blog Message

Villibráðarhátíð Hraunborgar haldin í 33 skipti.

Hin frábæra Villibráðarhátíð Kiwanisklúbbsins Hraunborgar í Hafnarfirði verður haldin laugardaginn 3 nóvember n.k en þetta er í 33 skipt..
Blog Message

Afhending styrks frá Styrktarsjóði Kiwanisumdæmisins Ísland – Færeyjar

Miðvikudaginn 24 október sl fór fram afhending styrks, frá Styrktarsjóði Kiwanisumdæmisins Ísland – Færeyjar, í söfnun JCI Ísland “Gefð..
Blog Message

Hraunborg styrkir Grensás

Þann 17. október sl afhenti Svavar Svavarsson forseti Hraunborgar og Geir Jónsson formaður styrktarnefndar Hraunborgar ásamt stjórn styrktarsjó..
Meira...
Svæðisráðsfundur í Freyjusvæði 24. nóv 2018 klukkan 10:00


Svæðisrásfundur í Ægissvæði 24. nóv 2018 klukkan 10:00


Svæðisráðsfundur í Óðinssvæði 24. nóv 2018 klukkan 10:00


Sjá alla viðburði